શિવભક્તો બધા માને છે કે શિવ એ  એવા પરમાત્મા છે, કે જેમનું પરમ અસ્તિત્વ પરાશિવ, સમય, સ્વરૂપ અને સ્થળથી પર    છે. યોગી તેથી સ્તબ્ધ થઈ બોલી ઉઠે છે : "એ આ નથી. એ તે નથી". સાચેજ, એવા અગમ્ય પ્રભુ  ભગવાન  શિવ  છે.ॐ

શિવભક્તો બધા માને છે કે ભગવાન શિવ એ એવા પ્રભુ છે, કે  જેના  સર્વવ્યાપી  પ્રેમ, પરાશક્તિ, જે શક્તિનો સ્તોત્ર બની રહે છે તે તમામ  ઉર્જા, અસ્તિત્વ, જ્ઞાન અને આનંદ ના પાયામાં વહેતી મૂળ ચેતના બની રહે છે. ॐ

શિવભક્તો બધા માને છે કે ભગવાન શિવ એ એવા દેવ છે, જેનો આત્મા જ મૂળમાં સર્વવ્યાપક છે. તે જ મહાદેવ, પરમેશ્વર છે અને વેદ અને અગમ ના કર્તા છે, જે કાંઈ અસ્તિત્વ ધરાવે છે તેના સર્જક, રક્ષક અને સંહારક પણ તે જ છે. ॐ

શિવભક્તો બધા શિવ અને શક્તિ ના પુત્ર મહાદેવ , ગણેશ માં શ્રદ્ધા સેવે છે, જેમની કોઈ પણ વિધી, પ્રાર્થના કે કાર્ય કરતા અગાઉ પૂજા કરાય છે. અનુકંપા એ ગણેશ નો નિયમ છે, તેમનો કાયદો કાયમ વ્યાજબી હોય છે. ઉચિત ન્યાય તો તેમના હૃદયે વસે છે.ॐ

શિવભક્તો બધા શિવ અને શક્તિના બીજા પુત્ર મહાદેવ કાર્તિકેય માં પણ શ્રદ્ધા ધરાવે છે, જેમની કૃપા દ્રષ્ટી સમાન ભાલો અજ્ઞાનના બંધનમાંથી મુક્તિ સાંપડે છે. પદ્માસન માં સ્થિર થયેલો યોગી ભગવાન મુરુગન ની પ્રાર્થના કરે છે. આમ પોતાના મનને સંયમીત કરી શાંતિ પ્રાપ્ત કરી શકે છે. ॐ

શિવભક્તો બધા માને છે કે દરેક જીવનું નિર્માણ ભગવાન શિવે કર્યું છે અને જીવ માત્ર ભગવાન શિવ ની અનુરુપતા ઝંખે છે. બધા જીવોની આવી અનુરુપતા ત્યારે જ સંભવે જ્યારે ભગવાનની કૃપાથી અનવ, કર્મ અને માયા ના બંધનોમાંથી તેમને મુક્તિ મળે. ॐ

શિવભક્તો બધા સૃષ્ટિ ત્રણ લોકમાં વહેંચાયેલી માને છે. તળમાં ભુલોક, જ્યાં આત્મા સજીવ સ્વરૂપો ધારણ કરે છે. ઉપર અવકાશમાં અન્તરલોક, જ્યાં આત્મા અપાર્થિવ સ્વરુપ ધારણ કરે છે, અને છેલ્લે ઉપર શિવલોક, જ્યાં આત્મા પોતાના અદ્રશ્ય તેજસ્વી સ્વરુપમાં હોય છે. ॐ

શિવભક્તો બધા કર્મના સિધ્ધાંતમાં માને છે, જે અનુસાર દરેકે પોતે કરેલા બધાં કર્મોનો ફળ ભોગાવવો પડે. એટલુંજ નહીં, પરંતુ દરેક આત્માએ કર્મફળનો ભોગવટો પુરો ન થાય ત્યાં સુધી ફરી ફરી જન્મ લેવો પડે. આવો ભોગવટો પુરો થયા પછી જ તે મુક્તિ મેળવી મોક્ષ પ્રાપ્ત કરી શકે. ॐ

શિવભક્તો બધા માને છે કે પવિત્ર આચાર-નિયમવાળું સદગુણી જીવન, ક્રિયાઓ અને મંદિરમાં પૂજા-અર્ચના ઉપરાંત યોગ, આ બધા વડે અને વર્તમાન સદગુરૂ ના આશીર્વાદ થકી પરશિવ- જે સમય અને સ્વરુપ થી પર એવી ભગવાન શિવ ની અનુભુતિ છે તેની પ્રાપ્તિ થાય છે, જે જ્ઞાન અને શાણપણ મેળવવા બહુ જરૂરી છે. ॐ

શિવભક્તો બધા માને છે કે આંતરિક રીતે કોઈ દૂષ્ટતા કે પાપ હોતાં નથી. પાપનું કોઈ સ્તોત્ર નથી, સિવાય કે પાપના પાયામાં અજ્ઞાન જ આપણને દેખાય. શિવભક્તો અનુકંપાવાળા હોય છે, કારણ તેઓ જાણે છે કે અંતમાં તો કશુ સારું કે ખોટું હોતું નથી, બધી શિવ ની લીલા માત્ર છે. ॐ

શિવભક્તો બધા માને છે કે સૃષ્ટિના ત્રણે લોકમાં એક સાથે સુસંગત શાંતિ એજ ધર્મનો મર્મ છે, આવી સુસંગતતા તો મંદિરમાં પ્રાર્થનાથી ઉદભવે જ્યાં ત્રણે લોકના જીવ અરસ- પરસ સંપર્ક કરી શકે છે. ॐ

શિવભક્તો બધા પંચાક્ષર મંત્ર માં માને છે. આ પવિત્ર મંત્ર "નમઃ શિવાય" એ શિવમાર્ગી ઑનો શ્રેષ્ટ અને અનિવાર્ય મંત્ર છે. નમઃ શિવાય નું રહસ્ય તે યોગ્ય હોઠે થી યોગ્ય સમયે સાંભળવામાં રહેલું છે. ॐ

ઉપાસના: ઘરની ભગવાનની મૂર્તિઓ તેમજ મંદિરમાં પૂજા-પ્રાર્થના
વહાલાં બાળકોને ઘરે કુટુંબની દેવ મૂર્તિઓ રાખી હોય તે ઓરડામાં રોજ પ્રાર્થના કરવાનું, ધાર્મિક ક્રિયાઓ અને શિસ્ત પાળવાનું, મંત્ર જાપ અને ધાર્મિક ફરજો અદા કરવાનું શીખવવામાં આવે છે. ઘરે તેમજ મંદિરમાં રુઢીગત વસ્ત્રો પહેરી શ્રદ્ધાભરી પૂજા-પ્રાર્થના વડે પોતાને સુરક્ષિત માનવાનું તેઓ શીખે છે. વળી, પ્રભુના પ્રેમમાં મગ્ન થઈ તેઓ પોતાના મનને પવિત્ર અને ધ્યાનસ્થ થવા તૈયાર કરે છે.

ઉત્સવો : પવિત્ર તહેવારો
વહાલાં બાળકોને ઘરે તેમજ મંદિરમાં ઉજવાતા હિન્દુ ઉત્સવો અને પવિત્ર તહેવારોમાં સામેલ થવાનું શિખવવામાં આવે છે. આવા પવિત્ર તહેવારોની ઉજવણીથી તેઓ પ્રભુ સાથે સંબંધ બાંધતા શીખે છે. ઉપવાસ કરવાનું કે સોમવારે અથવા શુક્રવારે મંદિરમાં જવાનું તેમજ બીજા પવિત્ર દિવસો પાળવાનું તેઓ ઉત્સવની ઉજવણીમાંથી શીખે છે.

ધર્મ : સદગુણી જીવન;
વહાલાં બાળકોને જવાબદારી અને સદ્વર્તનભર્યું જીવન જીવવાનું શીખવવામાં આવે છે. બીજાઓનો પહેલાં વિચાર કરી નિસ્વાર્થી બનતાં તેઓ શીખે છે. માતાપિતા, વડીલો અને સંતો પ્રત્યે આદરભાવ સેવતાં તેઓ શીખે છે. ઉપરાંત ઈશ્વરી નિયમોનું પાલન કરતાં-ખાસ કરીને ભાવના, મન અને કાયાથી અહિંસાનું પાલન કરતાં શીખે છે. આ રીતે તેઓ કર્મોનું સમાધાન કરતાં શીખે છે.

તીર્થયાત્રા: ધાર્મિક પ્રવાસ
વહાલાં બાળકોને તીર્થયાત્રાનું મહત્વ સમજાવવામાં આવે છે અને વર્ષમાં એકાદવાર તો નજીકના કે દૂરના પવિત્ર ધામો, મંદિરો કે સંતોના દર્શને તેમને લઈ જવામાં આવે છે. આ પ્રવાસો દરમિયાન તેઓ દુન્વયી બાબતો થી અલિપ્ત થતાં શીખે છે અને તેમનું મન ઈશ્વર અને ગુરુઓ પ્રત્યે એકાગ્રતાથી કેન્દ્રિત થવા માંડે છે.